ரயில்கள் தாமதம் -பொங்கியெழுந்த பொன்னேரி மக்கள்

Share

புறநகர் ரயில்கள் தாமதமாக வருவதைக் கண்டித்து திருவள்ளூர் மாவட்டம் பொன்னேரி ரயில் நிலையத்தில் பயணிகள் மறியலில் ஈடுபட்டனர்.

சென்னை கடற்கரையில் இருந்து செங்கல்பட்டிற்கும், சென்னை சென்ட்ரலில் இருந்து திருத்தணி மற்றும் எலாவூருக்கு புறநகர் ரயில்கள் இயக்கப்படுகிறது. இந்த ரயிலை நம்பித்தான் ஆயிரக்கணக்கான பயணிகள் சென்னைக்கு வேலைக்கு வந்து செல்கின்றனர். தமிழக எல்லையில் உள்ள ஆந்திர மக்களும் இந்த ரயிலில் பயணம் செய்துதான் சென்னை ராஜீவ்காந்தி அரசு மருத்துவமனைக்கு வந்து சிகிச்சை பெற்று செல்கின்றனர்.

சென்ட்ரல் கும்மிடிப்பூண்டி மார்க்கத்தில் எண்ணூர் வரை மட்டுமே 4 வழி தண்டவாளப் பாதை அமைந்துள்ளது. எண்ணூரில் இருந்து 2 வழித்தடத்தில்தான் புறநகர் ரயில்களும், விரைவு ரயில்களும் சென்றாக வேண்டும். அதனால் விரைவு ரயில்கள் வரும்போதெல்லாம் புறநகர் ரயில்கள் குறிப்பிட்ட நிலையங்களில் நிறுத்தப்பட்டு விடும். பின்னர் விரைவு ரயில்கள் சென்ற பிறகு புறநகர் ரயில் புறப்பட்டு செல்லும். சில சமயங்களில் குறிப்பிட்ட கால அட்டவணைப்படி விரைவு ரயில்கள் வரவில்லை என்றால் அதுவரை உள்ளூர் மக்கள் செல்லும் ரயில்கள் காத்திருக்க வேண்டிய நிலை. இதனால் பணிக்கு செல்வது தாமதம் ஆகிறது எனக் கூறி பயணிகள் அடிக்கடி ரயில் மறியலில் ஈடுபடுவது வழக்கம்.

அந்த வகையில், இன்று காலை கும்மிடிப்பூண்டியில் இருந்து வேளச்சேரி சென்ற ரயில் பொன்னேரிக்கு தாமதமாக வந்து சேர்ந்தது. இதனால் கோபம் அடைந்த பயணிகள் அந்த ரயிலை மறித்து போராட்டம் நடத்தினர். அதாவது காலை நேரத்தில் ரயில் தாமதமாக வருவது மட்டுமின்றி வேளச்சேரிக்கு அதிக ரயில்கள் விடப்படுவதாக வாக்குவாதம் செய்தனர். சென்னை சென்ட்ரலுக்கு ரயில்கள் விட்டால்தான் வேலைக்கு செல்வது எளிது என்றும் தங்களது குறையை கூறினர். இதனால் ரயில் புறப்படுவதில் தாமதம் ஏற்பட்டது. பின்னர் அங்கு வந்த நிலைய அதிகாரிகள் அந்த ரயிலை சென்ட்ரலுக்கு மாற்றி விடுவதாக உறுதி அளித்தனர். அதன் பின்னர் பயணிகள் சமாதானம் அடைந்து ரயிலில் ஏறி சென்றனர். இதனால் சுமார் 1 மணிநேரம் அந்த மார்க்கத்தில் ரயில்கள் தாமதமாக சென்றது.


Share

Related posts

அண்ணா பல்கலை. துணைவேந்தர் ஆர்.வேல்ராஜ்

Udhaya Baskar

மழையால் பாதிக்கபட்ட சாலைகளை சீரமைக்க பாமக நிறுவனர் ராமதாஸ் கோரிக்கை

Admin

பழனிசாமி தலைமையிலான ஆட்சிக்கு முற்றுப்புள்ளி வைக்க மக்கள் தயாராகி விட்டார்கள் – மு.க.ஸ்டாலின்

Udhaya Baskar

விழுப்புரத்தில் ஏற்பட்ட தீ விபத்தில் குடிசைகள் பற்றி எரிந்தன

Admin

மே மாத மின் கட்டணத்தை நுகர்வோரே கணக்கிட்டு செலுத்தலாம்

Udhaya Baskar

காய்கறி வியாபாரி, குழந்தை உயிரை பறித்த டேபிள் ஃபேன்

Udhaya Baskar

பழமையான பொருட்கள் அரசுக்கே சொந்தமானது – அமைச்சர்

Admin

பாரதிதாசன் பல்கலை. MBA தேர்வு அட்டவணை (2018 Batch)

Udhaya Baskar

கொரோனா பரிசோதனைக்காக பொதுமக்கள் மிரட்டப்படுகிறார்கள் – பால் முகவர்கள் சங்கம் குற்றச்சாட்டு

Udhaya Baskar

கொரோனா தடுப்பூசி போடவில்லை என்றால் நடவடிக்கை எடுக்கப்படும் – ஆட்சியர் உத்தரவு

Udhaya Baskar

பொன்னியின் செல்வனும், வந்தியத்தேவனும் ! PS1 படத்தின் அப்டேட்!

Udhaya Baskar

சசிகலா விடுதலையால் அரசியலில் மாற்றம் ஏற்படாது: முதல்வர்

Admin

Leave a Comment